ໃນຕອນບ່າຍວັນທີ 12, 15, 22 ແລະ 27 ພຶດສະພາ 2020, ທີ່ຜ່ານມາ ສະຖາບັນພະລັງງານທົດແທນ ແລະ ວັດສະດຸໃໝ່, ກະຊວງວິທະຍາສາດ ແລະ ເຕັກໂນໂລຊີ, ອົງການ UNIDO ໄດ້ຈັດຝຶກອົບຮົມ ກ່ຽວກັບ “ ເຕັກໂນໂລຊີ ການຜະລິດ ແລະ ການນຳໃຊ້ເຊື້ອໄຟອັດເມັດຈາກສິ່ງເສດເຫຼືອຊີວະມວນ
” ຜ່ານລະບົບອອນລາຍ ທາງໄກ (Zoom Application) ພາຍໃຕ້ໂຄງການ ຫຼຸດຜ່ອນທາດອາຍເຮືອນແກ້ວໃນພາກອຸດສາຫະກໍາ ໂດຍການນໍາໃຊ້ເຕັກໂນໂລຊີອັດເມັດສິ່ງເສດເຫຼືອຊີວະມວນຢູ່ ສປປ ລາວ.
ຈຸດປະສົງຂອງການຝຶກອົບຮົມໃນຄັ້ງນີ້ເພື່ອສ້າງຄວາມຮັບຮູ້ແລະເຂົ້າໃຈທາງດ້ານເຕັກໂນໂລຊີ ແລະ ການດຳເນີນທຸລະກິດກ່ຽວກັບເຊື້ອໄຟອັດເມັດໃຫ້ແກ່ນັກວິຊາການ ແລະ ບັນດາພາກສ່ວນທີ່ກ່ຽວຂ້ອງທັງພາກລັດແລະເອກະຊົນຂອງລາວ ໂດຍເຊີນຊ່ຽວຊານຈາກອົງການ UNIDO ມາເປັນຜູ້ບັນລະຍາຍ ແລະ ມີຜູ້ເຂົ້າຮ່ວມທັງໝົດ 30 ກວ່າຄົນ.
